پانچویں اور چھٹی جماعت کے امتحان بھی بورڈ کی سطح پر لینے کا فیصلہ

محکمہ تعلیم پنجاب نے بڑا فیصلہ کرتے ہوئے پانچویں اور چھٹی جماعت کے امتحانات بھی بورڈز کی سطح پر لینے کا نوٹیفکیشن جاری کردیا۔
نوٹیفیکیشن کے مطابق بورڈ امتحان پنجاب ایجوکیشن کریکلم ٹریننگ اینڈ اسسمنٹ اتھارٹی پیکٹا لے گی۔
سرکلر میں کہا گیا ہے کہ اس سال نویں اور دسویں بورڈز امتحان کے خراب نتائج کے باعث یہ فیصلہ کیا گیا ہے، دونوں کلاسوں کے بورڈ امتحان کا مقصد طلبا کی تعلیمی ذہنی تربیت ہے، بورڈ امتحان سے نویں دسویں کلاسز کے بورڈ رزلٹ بھی اچھے ہوں گے۔
سرکلر کے مطابق تمام سکولوں کے سربراہان کو تیاریاں شروع کرنے کی ہدایت کردی گئی ہے اور سکولوں کے سربراہان سے سکولز اکیڈمک امپرومنٹ پلان بھی طلب کرلیا گیا ہے۔
اس حوالے سے پنجاب ٹیچرز یونین کا کہنا ہے کہ پنجم اور ہشتم کے بورڈ امتحان کا پہلے 2 مرتبہ تجربہ ناکام ہوچکا، نت نئے تجربات کی بجائے متفقہ تعلیمی و امتحانی اور تدریسی لانگ ٹرم پالیسی بنائی جائے، تاکہ طلبا کی تعلیم کیساتھ ان کی اچھی تربیت بھی کی جا سکے۔