پاکستانیوں کابڑاکارنامہ،یو اے ای میں8ہزار سے زائد نئی کمپنیاں بنا لیں

پاکستانیوں کابڑاکارنامہ، متحدہ عرب امارات میں ایک سال میں 8 ہزار سے زائد نئی کمپنیاں بنا لیں، سال 2024 میں سب سے زیادہ نئی کاروباری کمپنیاں بنانے والے پاکستانیوں کا نمبر دوسرا ہے۔
مجموعی طور پر پاکستانیوں کی متحدہ عرب امارات میں 47 ہزار کاروباری کمپنیاں رجسٹرڈ ہیں،جبکہ دبئی چمبر آف کامرس میں سب سے زیادہ یعنی ساڑھے 16 ہزارسے زائد بھارتیوں کی کمپنیاں رجسٹرڈ ہوئیں۔
پانچ ہزارتین سو نئی کمپنیاں مصری شہریوں کی ملکیت میں رجسڑڈ ہوئیں، 2600 سے زائد برطانوی شہریوں نے بھی نئی کمپنیاں رجسٹرڈ کروائیں۔
1718 کمپنیاں عراقی شہریوں کے نام سے رجسٹرڈ ہوئیں، متحدہ عرب امارات میں پچھلے سال 1314 کمپنیاں ترک شہریوں نے رجسٹرڈ کرائیں۔
پاکستانی سفیر فیصل نیاز ترمذی کانجی ٹی وی سے گفتگو کرتے ہوئےکہناتھا کہ زیادہ پاکستانیوں کا دبئی میں کاروبار کیلئے آنا دونوں ممالک کیلئے بہتر ہے، متحدہ عرب امارات کی مارکیٹ میں پاکستانی سرمایہ کاروں کی تعداد بڑھ رہی ہے، زیادہ سرمایہ کاری ملک کو واپس زیادہ ترسیلات بھیجنے میں مدد دے گی۔