پاکستانی ائیر لائنز کی برطانیہ میں پروازوں کی بحالی پر اہم پیشرفت

پاکستانی ائیر لائنز کی برطانیہ میں بحالی پراہم پیشرفت،پاکستانی ائیر لائنز کی برطانیہ میں پروازوں کی بحالی کے معاملے میں بڑی پیشرفت ہوئی ہے۔
سول ایوی ایشن کے ذرائع کا کہنا ہے کہ برطانوی محکمہ ٹرانسپورٹ کی 3 رکنی ٹیم پاکستان پہنچ گئی، جو سی اے اے سے ملکر اسلام آباد ائیرپورٹ کا سکیورٹی آڈٹ کرے گی۔اسلام آباد ائیر پورٹ سے برطانیہ کیلئے براہ راست پروازوں کی بحالی میں یہ آڈٹ اہم ہے، اسلام آباد ائیرپورٹ سے برطانیہ جانے والی پروازوں کی جانچ پڑتال برطانوی ٹیم کرے گی۔
برطانوی محکمہ ٹرانسپورٹ کی ٹیم آج 10 جولائی کو آڈٹ مکمل کرکے واپس روانہ ہو جائےگی، جبکہ پاکستانی ائیر لائنز کے متعلق برطانوی ائیر سیفٹی کمیٹی کا اجلاس رواں ماہ متوقع ہے۔
ذرائع کے مطابق برطانوی محکمہ ٹرانسپورٹ کی ٹیم پاکستانی ائیرپورٹس اور ائیر لائنز سے متعلق رپورٹ اجلاس میں پیش کریں گے۔
سی اے اے ذرائع کا کہنا ہے کہ امید ہے کہ برطانوی ائیر سیفٹی کمیٹی رپورٹ کا جائزہ لیکر پاکستان پر سے پابندی ہٹا دے گی، جس سے دونوں ممالک کے درمیان سفر و سیاحت کو مزید فروغ ملے گا۔