پاکستانی ہائی کمشنر نے پاک آسٹریلیا میچ کیلئے پاکستان فین زون کے ٹکٹ خریدلیے

پاکستانی ہائی کمشنر زاہد حفیظ نے آسٹریلیا کے خلاف میچ کے لیے پاکستان فین زون کے ٹکٹ حاصل کر لیے، اورمزید کہا کہ پاک اسٹریلیا کے خلاف سیریز کے لیے پاکستان فین زون بنانے پر کرکٹ آسٹریلیا کے شکر گزار ہیں۔

پاکستانی ہائی کمشنر زاہد حفیظ نے آسٹریلیا کے خلاف 4 نومبر کو میلبرن میں شیڈول ون ڈے میچ کے لیے آن لائن ٹکٹ بک کیے۔

اس موقع پر پاکستانی ہائی کمشنر زاہد حفیظ نے آسٹریلیا کے حکام سے ملاقات بھی کی۔

پاکستانی ہائی کمشنر نے مزید کہا کہ پاکستان اور آسٹریلیا کی وائٹ بال کرکٹ میں رائیولری تاریخی ہے، یہ فین زونز شائقین کرکٹ کو اپنی ٹیم کی کامیابی پر جشن منانے کا موقع فراہم کرتے ہیں، کرکٹ دونوں ممالک کے تعلقات کو مزید مؤثر بنانے میں اہم ثابت ہوتی ہے۔