پاکستان اور امارات کے درمیان 2 نئی ایئر لائنز کی پروازوں کی تیاری

پاکستانی فضائی مسافروں کیلئے خوشخبری،2 نئی ایئر لائنز کی پاکستان اور متحدہ عرب امارات کے درمیان پروازیں شروع کرنے کی تیاری،دونوںایئر لائنز جلد ہی شیڈول اور روٹس کا اعلان کریں گی۔
پاکستان اور متحدہ عرب امارات کے درمیان ایک دوسرے کیساتھ رابطے کو بہتر بنانے کیلئےدونوں ممالک کے درمیان پروازیں بڑھانے پر اتفاق ہوگیا۔متحدہ عرب امارات میں پاکستان کے سفیر فیصل نیاز ترمذی کے مطابق رواں ہفتے یو اے ای حکام کے ساتھ بجٹ کے موافق ایئرلائن کے اختیارات متعارف کرانے کے معاہدے کو حتمی شکل دی جائے گی۔
معاہدے کے مطابق پاکستان کی ایئرسیال تین شہروں سے ابوظہبی کیلئے پروازوں کا آغاز کرے گی، جبکہ ویز ایئر (Wizz Air) ابوظہبی اور پاکستان کے دو شہروں کے درمیان پروازیں شروع کرے گی۔نئے روٹس اگلے دو سے تین ماہ کے اندر شروع ہونے کی امید ہے۔
اس وقت ایمریٹس، اتحاد ایئرویز، فلائی دبئی، پی آئی اے، فلائی جناح، ایئر عربیہ، سیرین ایئر اور ایئر بلیو سمیت 8 ایئر لائنز دونوں ممالک کے درمیان پروازیں جاری ہیں۔