پاکستان اور بھارت میں ٹرینیں رات کو تیز کیوں دوڑتی ہیں؟

پاکستان اور بھارت میں ٹرینیں رات کو تیز کیوں دوڑتی ہیں ؟ دلچسپ تفصیلات منظر عام پر آ گئیں ۔
پاکستان اور ہمسایہ ملک بھارت کے ریلویز کا نظام دنیا کے سب سے بڑے ریلوے نیٹ ورکس میں شمار ہوتا ہے، اور ریلوے کے محکمہ کا دونوں ممالک کی معیشت میں اہم کردار ہے۔ ریل کا سفر سستا ہونے کیساتھ رومانوی بھی ہوتا ہے اور روزانہ لاکھوں مسافر اس سے سفر کرتے ہیں، جبکہ ضروری اشیاء کی ترسیل بھی ریلوے کے ذریعے کی جاتی ہے۔ اس کے علاوہ ریلوے سسٹم لاکھوں افراد کے لیے روزگار کا ذریعہ بھی ہے۔
دونوں ممالک میں اکثر مسافر رات کے وقت ٹرین میں سفر کرنا پسند کرتے ہیں، تاکہ وہ زیادہ وقت آرام کر سکیں۔ اگر آپ نے کبھی دھیان دیا ہو تو ریلوے کی ٹرینیں رات کے وقت دن کے مقابلے میں زیادہ تیز رفتاری سے چلتی ہیں۔ جس کی کئی وجوہات ہیں، اس میں ایک وجہ کم سگنل ملنا اور کم رکاوٹیں ہیں ، دن کے وقت ٹرینیں زیادہ سٹیشنوں پر رکتی ہیں، تاکہ مقامی مسافروں کو سہولت دی جا سکے، جبکہ رات میں چھوٹے سٹیشنوں کو چھوڑ دیا جاتا ہے، جس سے ٹرین کی رفتار میں اضافہ ہوتا ہے۔
اس کے علاوہ رات میں درجہ حرارت کی ہے، جس سے پٹریوں پر رگڑ کم ہو جاتی ہے اور ٹرینیں زیادہ ہمواری کے ساتھ تیز رفتاری سے دوڑتی ہیں۔ یہ تمام عوامل ملکر ریلوے کی ٹرینوں کو رات کے وقت زیادہ تیزی سے چلنے میں مدد دیتے ہیں، جس سے مسافروں کا سفر آرام دہ اور کم وقت میں مکمل ہوتا ہے۔