پاکستان اپنی خودمختاری کا مکمل دفاع کرے گا:قومی اسمبلی میں متفقہ قراردادمنظور

پہلگام واقعہ کےبعدقومی اسمبلی نے بھارتی جارحیت کے خلاف قرارداد متفقہ طور پر منظور کرلی۔
سپیکرایازصادق کی زیرصدارت قومی اسمبلی کااجلاس منعقدہواجس میں بزنس ایڈوائزری کمیٹی نے پہلگام واقعے اور پانی کے معاملے کی مذمت کی۔
سپیکرایازصادق نےکہاکہ پاکستان سے زیادہ دہشت گردی کے نقصان سے کون واقف ہے۔ پاکستان نے بار بار آزادانہ انکوائری کا مطالبہ کیا۔
پہلگام واقعے کے بعد بھارتی جارحیت کے خلاف قرارداد قومی اسمبلی میں پیش کی گئی۔ وفاقی وزیر پارلیمانی امور طارق فضل چودھری نے یہ قرارداد پیش کی جسے متفقہ طور پر منظور کرلیا گیا۔
قراردادکےمتن میں کہاگیاکہ پاکستان بھارتی الزامات کو مسترد کرتا ہے،پاکستان کسی بھی بھارتی اقدام کا فیصلہ کن جواب دے گا، پاکستان اپنی خودمختاری کا مکمل دفاع کرے گا۔قومی اسمبلی ہر قسم کی دہشت گردی کی مذمت کرتی ہے۔
قرارداد میں کہا گیا ہے کہ پاکستان کشمیری عوام کی غیر متزلزل حمایت جاری رکھے گا، کشمیری اپنے حق خودارادیت کی جنگ لڑ رہے ہیں، یہ پاکستان کا معاملہ ہے ہم سب پاکستانی ہیں، ہم اس قرارداد کی بھرپور حمایت کرتے ہیں، اگر پاکستان کا پانی روکا گیا تو یہ جنگ کے شروع کرنے کے مترادف ہوگا، پاکستان ہر قسم کی دہشت گردی کی مذمت کرتا ہے۔