پاکستان ریلویز کا مسافروں کیلئے جدید بزنس ٹرین چلانے کا فیصلہ

ریل کے مسافروں کیلئے خوشخبری، ریلوے کا مسافروں کیلئے جدید بزنس ٹرین چلانے کا فیصلہ،بزنس ٹرین کا افتتاح 19 جولائی کو لاہور میں کیا جائےگا۔
ترجمان ریلوے کے مطابق یہ ٹرین جدید ترین کوچز پر مشتمل ہوگی ،جن میں آرام دہ نشستیں، ڈیجیٹل نظام، بین الاقوامی معیار کا ڈائننگ کار اور مفت وائی فائی کی سہولت میسر ہوگی۔
ریلوے حکام کا کہنا ہے کہ بزنس ٹرین میں چلائی جانیوالی کوچز کو جدید ٹیکنالوجی سے مزین کیا گیا ہے، بزنس ٹرین کا مقصد مسافروں کو محفوظ، آرام دہ اور جدید سفری ماحول فراہم کرنا ہے، یہ منصوبہ ادارے کی ڈیجیٹل اصلاحات کا حصہ ہے ،جس میں ٹکٹنگ نظام، اسٹیشنوں کی حالت اور نجی شعبے کے ساتھ شراکت داری کو بہتر بنایا جا رہا ہے۔