پاکستان سمیت دنیا بھر میں آج ورلڈ ہیلتھ ڈے منایا جا رہا ہے

پاکستان سمیت دنیا بھر میں آ ج 7اپریل کو صحت کا عالمی دن بھرپور طریقے سے منایا جارہا ہے۔ اس دن کو منانے کا مقصد صحت کی اہمیت سے شعور اور آگہی کو فروغ دینا ہے۔
اس سلسلے میں ملک بھر میں وزارت صحت،محکمہ صحت پنجاب،پاکستان میڈیکل ایسوی ایشن،دیگر طبی تنظیموں اور این جی اوز کے زیر اہتمام واکس،سیمینارز،کانفرنسز اور دیگر تقریبات کا اہتمام کیا جارہا ہے،جس میں صحت مند زندگی گزارنے کی سنہری اصولوں بارے معلومات فراہم کی جائے گی۔
دنیا بھر میں صحت کا عالمی دن سب سے پہلے 1950 میں منایا گیا۔ 1948 میں عالمی ادارہ صحت (WHO) کے ذیلی ادارے ہیلتھ اسمبلی نے ہر سال 7اپریل کو صحت کا عالمی دن منانے کی منظوری دی ،جس کے بعد دنیا بھر میں 7اپریل کو ورلڈ ہیلتھ ڈے منایا جاتا ہے۔