پاکستان میں ایک اور مغربی ہواؤں کا سسٹم داخل،بارشوں کی پیشگوئی

پاکستان میں ایک اور مغربی ہواؤں کا سسٹم داخل،کن کن شہروں میں بارش کے امکانات ہیں؟محکمہ موسمیات نے پیشگوئی کر دی۔
محکمہ موسمیات کا کہنا ہے کہ طویل خشک موسم کے بعد بارشیں برسانے والا سسٹم ملک میں داخل ہوگیا ہے، جس کے سبب کل 25 فروری سے یکم مارچ کے دوران پنجاب کے بیشتر اضلاع میں تیز ہوا چلنے اور بارش کا امکان ہے۔
محکمہ موسمیات کے مطابق ملکہ کوہسار مری اور گلیات سمیت شمالی علاقہ جات کے پہاڑوں پر برفباری کا امکان بھی ہے۔مغربہ سسٹم کے تحت 25 سے 28 فروری کے دوران لاہور، ٹوبہ ٹیک سنگھ، جھنگ، فیصل آباد، شیخو پورہ، نارووال، میانوالی، سیالکوٹ، سرگودھا، بھکر، خوشاب، حافظ آباد، گوجرانوالہ، منڈی بہاءالدین اور گجرات سمیت ملتان، ڈیرہ غازی خان، لیہ، مظفر گڑھ، خانیوال، ساہیوال، پاکپتن، اوکاڑہ اور بہاولنگر میں بھی بارش کے امکانات ہیں۔