پاکستان میں فائیو جی ٹیکنالوجی کب لانچ ہوگی؟

پاکستان میں فائیو جی ٹیکنالوجی کب لانچ ہوگی؟ چیئرمین پی ٹی اے نے بتا دیا۔
پاکستان ٹیلی کمیونیکیشن اتھارٹی کے چیئرمین حفیظ الرحمان نے فائیوجی سروسز کی نیلامی کی تاریخ کا اعلان کردیا ۔
چیئرمین پی ٹی اے حفیظ الرحمان کا کہنا ہےکہ ملک میں فائیوجی اپریل 2025 تک شروع کر دی جائے گی، پی ٹی اے نیلامی میں شرکت کیلئے نئی کمپنیوں کو راغب کرنے کیلئے سرگرم عمل ہے اور اس کا مقصد مارکیٹ کو وسعت دینا اور مسابقت کو بڑھانا ہے۔ ٹیلی کام کمپنیاں اس وقت 265 میگا ہرٹز سپیکٹرم استعمال کر رہی ہیں، ادارہ ریگولیٹر 5جی سروسز کیلئے اضافی 567 میگاہرٹز دستیاب کرنے کا ارادہ رکھتا ہے۔
سعودی عرب نے اپنا سپیکٹرم 90 ہزار ڈالر فی میگا ہرٹز کے حساب سے فروخت کیا ،جبکہ پاکستان نے اس سے قبل 29 ملین ڈالر فی میگا ہرٹز کے حساب سے 4جی سپیکٹرم فروخت کیا تھا، اس کا مقصد مقامی صارفین کو فائدہ پہنچانے کیلئےسپیکٹرم کی قیمت کو کم رکھنا ہے۔
چیئرمین پی ٹی اے کا کہنا تھا کہ سب میرین کیبل کی بحالی جاری ہے، امید ہے کہ یہ عمل 27 اگست تک مکمل ہوجائے گا۔