پاکستان میں کاروباری اعتماد میں مسلسل اضافہ، معاشی بحالی کی رفتار تیز،گیلپ سروے

گیلپ سروےکی رپورٹ کےمطابق پاکستان میں کاروباری اعتماد میں مسلسل اضافہ ہواجس کےباعث معاشی بحالی کی رفتار تیزہوئی ۔
گیلپ سروے کی رپورٹ میں کہاگیاہےکہ پاکستان میں کاروباری اعتماد میں مسلسل اضافہ دیکھنے میں آیا ہے، جو ملکی معیشت کے لیے ایک مثبت اشارہ ہے۔حکومتی تعاون اور خصوصی سرمایہ کاری سہولت کونسل (SIFC) کی موثر کاوشوں کے باعث ملک ترقی اور معاشی استحکام کی راہ پر گامزن ہے۔
گیلپ کی حالیہ رپورٹ میں بتایا گیا ہے کہ پاکستان چار سال بعد ایک بار پھر تیزترین رفتار سے معاشی بحالی کی جانب بڑھ رہا ہے۔
رپورٹ کے مطابق 61 فیصد افراد نے موجودہ کاروباری کارکردگی کو’’اچھی ‘‘یا ’’انتہائی اچھی‘‘ قرار دیا ہے، جبکہ اتنی ہی شرح نے مستقبل میں بھی کاروباری حالات مزید بہتر ہونے کی توقع ظاہر کی ہے۔مزید یہ کہ پچھلی سہ ماہی کے مقابلے میں کرپشن سے متعلق شکایات میں نمایاں کمی آئی ہے۔
رپورٹ کے مطابق رشوت سے متعلق شکایات 34 فیصد سے کم ہوکر صرف 15 فیصد رہ گئی ہیں، جو ایک مثبت پیشرفت ہے۔