پاکستان کابڑااعزاز:پہلی بارفیفا کلب ورلڈ کپ میں پاکستانی پلیئر کی شمولیت

پاکستان کابڑااعزاز،پہلی بارفیفا کلب ورلڈ کپ میں پاکستانی پلیئر کی شمولیت یقینی ہوگئی۔
پاکستان سےتعلق رکھنےوالےفٹبالرحارث زیب نےنیوزی لینڈکے کلب ’آکلینڈ‘سےمعاہدہ کیاہے۔وہ رواں سال’ آکلینڈ سٹی ‘کی جانب سےفیفاکلب ورلڈکپ میں شرکت کریں گے،’ آکلینڈ سٹی‘ نے اوشیانا چیمپئنز لیگ جیت کر فیفا کلب ورلڈ کپ کیلئے کوالیفائی کیا تھا۔
فیفا کلب ورلڈ کپ میں آکلینڈ کا مقابلہ جرمن کلب بائرن میونخ، ارجنٹائن کے بوکا جونیئر اور پرتگال کے کلب بینفیکا سے ہوگا۔
واضح رہےکہ 23 سالہ حارث زیب کو 2023 کے چار ملکی ٹورنامنٹ کیلئے پاکستاں ٹیم میں بلایا گیا تھا۔انجری کی وجہ سے حارث زیب ماریشس میں ہونے والا ایونٹ نہیں کھیل سکے تھے۔
حارث زیب 2001 میں نیوزی لینڈ میں پیداہوئے،وہ پاکستان اورنیوزی لینڈ کی شہریت رکھتے ہیں۔ پاکستانی شہریت ہونے کی بنیاد پر حارث زیب پاکستان فٹبال ٹیم کی نمائندگی کے اہل ہیں۔