پاکستان کے مفادات سے کھیلنے کی اجازت نہیں دیں گے،وزیراعظم شہبازشریف

وزیراعظم شہبازشریف نےکہاہےکہ پاکستان کے مفادات سے کھیلنے کی اجازت نہیں دیں گے۔
وزیراعظم شہباز شریف کا عمران خان کی اہلیہ بشریٰ بی بی کے بیان پرردعمل دیتے ہوئےکہناتھاکہ اس فطرت کے لوگوں کو اندازہ نہیں کہ ان کے بیان سے پاکستان کوکتنا نقصان ہوسکتا ہے۔ جو ہاتھ پاکستان اور سعودی عرب کی دوستی میں رکاوٹ بنے گا قوم اس ہاتھ کو توڑ دے گی۔
شہبازشریف کامزیدکہناتھاکہ سعودی عرب کے خلاف زہر اگلا جائے تو وہ کیا کہیں گے کہ پاکستان کے عوام، حکومت اورسیاستدان کیسے ہیں۔ نفرتوں کے بیچ بوئے جارہے ہیں،ذاتی اور سیاسی مفاد کی خاطربیانات دیے جارہےہیں، یہ کیسا سیاسی مفاد ہے جوپاکستان کے اعلیٰ ترین مفاد کو کاٹ رہا ہے۔ کسی کو پاکستان کے مفادات سے کھیلنے کی اجازت نہیں دیں گے۔
خیال رہے کہ گزشتہ روز بانی پی ٹی آئی عمران خان کی اہلیہ بشریٰ بی بی نے دعویٰ کیا تھا کہ عمران خان جب مدینہ ننگے پاؤں گئے اور واپس آئے تو جنرل (ر)باجوہ کو کالز آنا شروع ہوگئیں کہ یہ آپ کس شخص کو لے آئے۔