پشاورمیں پی ٹی آئی کاآج سیاسی طاقت کا مظاہرہ، تمام تیاریاں مکمل

پشاورمیں تحریک انصاف آج سیاسی پاورکامظاہرہ کرےگی،جس کی تمام ترتیاریاں مکمل کرلی گئیں۔جلسےمیں وزیراعلیٰ خیبرپختونخواعلی امین گنڈاپوراورچیئرمین بیرسٹرگورسمیت اعلیٰ قیادت شرکت کرےگی۔
تحریک انصاف آج پشاورکی رنگ روڈ پرجلسہ کرےگی،جس کےانتظامات مکمل کرلیےگئےہیں،جبکہ کارکنان کی آمدکاسلسلہ شروع ہوگیاہے۔
جلسےمیں چیئرمین بیرسٹرگوہر،وزیراعلیٰ علی امین گنڈاپور،اسدقیصراورسلمان اکرم راجہ کارکنوں کالہو گرمانےکےلئے خطاب کریں گے،جبکہ بانی پی ٹی آئی عمران خان کی بہنیں حلیمہ خان اورعظمیٰ خان بھی شرکت کرینگی۔
انتظامیہ کے مطابق جلسے کے لیے سکیورٹی کے فول پروف انتظامات مکمل کر لیے گئے ہیں۔
دوسری جانب مینا خان آفریدی نے دعویٰ کیا کہ یہ جلسہ بانی پی ٹی آئی عمران خان کی کال پر ہورہا ہے، جس میں5لاکھ سےزائدلوگ شرکت کرینگےجبکہ یہ اجتماع تاریخی ہوگا ۔
ان کا کہنا تھا کہ وفاقی حکومت کے خاتمے کے بعد عمران خان نے اسی مقام پر جلسہ کیا تھا جو بہت بڑا تھا اور27 تاریخ کا جلسہ بھی اسی طرح تاریخی ثابت ہوگا، پورے ملک سے کارکنان اس میں شرکت کریں گے اور قائدین آئندہ کے لیے لائحہ عمل اور عمران خان کا پیغام پیش کریں گے۔
سرکاری سطح پر انتظامات:
خیبرپختونخوامیں تحریک انصاف کی حکومت ہونےکی وجہ سےجلسےکی تیاریوں کےلئے کسی قسم کی دشواری نہیں ہوئی،بلکہ سرکاری مشینری اور گاڑیاں جلسہ گاہ کی صفائی کے لیے استعمال کی جا رہی ہیں جبکہ متعلقہ ٹی ایم اے کے اہلکار بھی سرگرم ہیں۔
اس حوالے سے مینا خان آفریدی کا کہنا تھا کہ سکیورٹی پولیس کی ذمہ داری ہے جبکہ دیگر انتظامات پارٹی خود کر رہی ہے، جلسہ پارٹی کے اخراجات پر منعقد ہو رہا ہے اور کارکنان چندہ جمع کر کے اس میں شریک ہو رہے ہیں۔