پنجاب اور سندھ میں سکولوں میں موسم سرما کی تعطیلات کا اعلان ہو گیا

طلبا و طالبات کی موجیں ،بلوچستان اور خیبرپختونخوا کے بعدپنجاب اور سندھ نے بھی سردیوں کی چھٹیوں کا اعلان کردیا۔دونوں صوبوں میں تعلیمی ادارے کب تک بند رہیں گے؟تفصیلات سامنے آ گئیں۔
محکمہ سکولز ایجوکیشن پنجاب کے جاری کردہ نوٹیفکیشن کے مطابق نجی و سرکاری سکولز میں 20 دسمبر سے 10 جنوری 2025 تک چھٹیاں ہوں گی اور موسم سرما کی تعطیلات کے بعد 13 جنوری کو سکولز دوبارہ کھل جائیں گے، یوں صوبہ پنجاب میں سردیوں کی کُل 24 چھٹیاں ہوں گی۔
دوسری طرف محکمہ تعلیم سندھ کے جاری کردہ نوٹیفکیشن کے مطابق صوبے بھر کے تمام تعلیمی اداروں میں موسم سرما کی سالانہ چھٹیاں 21 سے 31 دسمبر تک ہوں گی۔