پنجاب میں آج بھی ہیٹ ویو اور گرمی کی لہر برقرار رہے گی۔
![](https://pakistantoday.tv/wp-content/uploads/2024/05/Hot-weather-905x400.jpg)
لاہور:(پاکستان ٹوڈے) سوموار کے روز درجہ حرارت 45 سے 50 ڈگری تک جانے کا خدشہ ہے ۔
تفصیلات کے مطابق ساؤتھ پنجاب کے اضلاع بہاولپور ،رحیم یار خان ،ڈیرہ غازی خان اور ملتان میں ہیٹ ویو کی لہر شدید ہو سکتی ہے ۔ گزشتہ روز خانپور 50 ڈگری رحیم یار خان،بھکر 49 اور کوٹ ادو میں 48 ڈگری درجہ حرارت ریکارڈ کیا گیا ۔لاہور سمیت میدانی علاقوں میں درجہ حرارت 44 ڈگری تک ریکارڈ کیا گیا ۔
گزشتہ سال زیادہ سے زیادہ درجہ حرارت 46 ڈگری ریکارڈ کیا گیا تھا ۔ وزیر اعلیٰ پنجاب کی ہدایات کے پیش نظر متعلقہ ادارے الرٹ رہیں۔ چولستان کے اضلاع میں صاف پانی کی فراہمی کو یقینی بنایا جا رہا ہے ۔ تمام ہسپتالوں میں ہیٹ ویو کاؤنٹرز قائم ہیں ۔ پی ڈی ایم اے کی ہیٹ سٹروک سے بچاؤ کیلئے متعلقہ ادویات کی فراہمی یقینی بنانے کی ہدایت۔
میڈیا کے ذریعے شہریوں کو ہیٹ ویو کے خطرات سے آگاہ کیا جا رہا ہے۔ عوام الناس سے التماس ہے کہ احتیاطی تدابیر اختیار کریں ۔بچوں بزرگوں اور بیمار افراد کا خاص خیال رکھیں ۔
گرمی کی لہر کے اثرات معمر افراد بچوں اور بیماروں پر زیادہ ہو سکتے ہیں ۔عرفان علی کاٹھیا، سخت دھوپ میں مشقت اور ورزش سے گریز کریں ۔ غیر ضروری گھر سے باہر نہ نکلیں ہلکے رنگ کا سوتی لباس پہنیں ۔ ایمرجنسی صورتحال میں پی ڈی ایم اے ہیلپ لائن 1129 یا ریسکیو 1122 پر کال کریں ۔