پنجاب میں مڈل لیول نان فارمل سکولز کے قیام کا فیصلہ

سکولوں سے باہر بچوں کیلئے تعلیم حاصل کرنے کا سنہری موقع، پنجاب میں مڈل لیول نان فارمل سکولز کے قیام کا فیصلہ کرلیاگیا۔
پنجاب میں پہلی بار محکمہ لٹریسی کی جانب سے مڈل لیول نان فارمل سکولز کے قیام کا فیصلہ کیا گیا ہے۔
سیکرٹری لٹریسی کا کہنا ہے کہ لاہور میں 10 نان فارمل مڈل سکولز بنائے جائیں گے، سکولز کے لیے جنرل مضامین کے اساتذہ کی بھرتی کا آغاز کردیا گیا ہے۔محکمہ کی جانب آوٹ آف سکول بچوں کو آٹھویں جماعت تک تعلیم دی جائیگی۔ سیکنڈری کے بعد مڈل تک بچے تین سال کی تعلیم ڈیڑھ سال میں مکمل کریں گے۔
پنجاب ایجوکیشن فاؤنڈیشن نے پارٹنر سکولوں کیلئے نئے ایس او پیز جاری کردئیے ہیں۔سیکنڈری کے بعد عمر زائد ہونے کے باعث ریگولر سکولز میں داخلہ نہ ملنے کی شکایت تھی۔دو سال میں ایک لاکھ 32 ہزار کے قریب بچوں کو نان فارمل سکولوں کے بعد ریگولر سکولوں میں داخل کرایا گیا۔