پنجاب پبلک سروس کمیشن کے تحت 30، 31 اگست کے امتحانات ملتوی

مقابلے کا امتحان دینے والے طلبہ کیلئے اہم خبر، پنجاب پبلک سروس کمیشن کے تحت 30، 31 اگست کے امتحانات ملتوی کر دیے گئے ۔
چیئرمین پنجاب پبلک سروس کمیشن (PPSC) کی زیر صدارت اہم اجلاس میں فیصلہ کیا گیا ہے کہ 30 اور 31 اگست 2025 کو منعقد ہونے والے تمام تحریری امتحانات ملتوی کردیئےگئے ہیں۔
پی پی ایس سی کے مطابق ملتوی کیے گئے امتحانات میں انسپکٹر لیگل (پنجاب پولیس ) اور دیگرسرکاری محکموں کی بھرتیوں کے ٹیسٹ شامل ہیں، یہ امتحانات لاہورمیں منعقد ہونا تھے، جن کا مقصد مجموعی طورپر434 آسامیوں پر بھرتی کرنا تھا۔
کمیشن کے ترجمان کے مطابق ان امتحانات میں 8 ہزارسے زائد امیدواروں نے شرکت کرنی تھی، جنہیں اب انتظارکرنا ہوگا۔نئی تاریخوں کا اعلان جلد ہی کمیشن کی جانب سے کیا جائے گا، جس کیلئے امیدواروں کو ہدایت دی گئی ہے کہ وہ پی پی ایس سی کی ویب سائٹ اور سوشل میڈیا چینلز سے باخبر رہیں۔