پنجاب کےعوام کیلئے بڑی خبر، برتھ و ڈیتھ رجسٹریشن رولز 2025 نافذ

پنجاب کےعوام کیلئے بڑی خبر، برتھ اور ڈیتھ رجسٹریشن رولز 2025 نافذ کردیا گیا۔
وزیراعلیٰ مریم نواز نے برسوں سے رائج برتھ اور ڈیتھ رجسٹریشن فیس ختم کردی ،پنجاب میں برتھ و ڈیتھ رجسٹریشن رولز 2025 نافذ کردیاگیا،صوبےمیں برتھ اور ڈیتھ رجسٹریشن فیس ختم کردی گئی۔
پنجاب بھر میں برتھ اور ڈیتھ کی رجسٹریشن بلا معاوضہ کرائی جاسکے گی، وزیراعلیٰ مریم نوازشریف کی ہدایت پر برتھ اور ڈیتھ کمپیوٹرائزڈ سر ٹیفکیٹ بھی مفت جاری ہوگا۔ شہری یونین کونسل اور میونسپل کمیٹی میں 7سال تک بلامعاوضہ اندراج کراسکتے ہیں،پنجاب میں برتھ اور ڈیتھ کی لیٹ رجسٹریشن پر کورٹ ڈگری کی شرط بھی ختم کردی گئی۔
وزیراعلیٰ پنجاب مریم نوازکاکہناتھاکہ شناخت ہر شہری کا بنیادی حق ہے، شہریوں کے لئے آسانیاں پیدا کرنا چاہتے ہیں، سروسز کے حصول کے لئے ڈیتھ او ربرتھ ڈیجیٹل سر ٹیفکیٹ لازم ہے،پنجاب کے شہری برتھ اور ڈیتھ کا بروقت اندراج کرا کراپنے شہری حقوق کا تحفظ یقینی بنا سکتے ہیں۔