پہلاون ڈے:شاہینوں کافاتحانہ آغاز،پاکستان نےجنوبی افریقہ کوشکست دیدی

پہلےون ڈےمیچ میں شاہینوں کافاتحانہ آغاز،پاکستان نےجنوبی افریقہ کو3وکٹوں سےشکست دے کر سیریزمیں واضح برتری حاصل کرلی۔
پارل میں کھیلےگئےپہلےون ڈےمیچ میں جنوبی افریقہ نےٹاس جیت کرپہلےبیٹنگ کرنےکافیصلہ کیاجوکہ فائدہ مندثابت نہ ہوا۔
میزبان ٹیم نےپہلےبیٹنگ کرتےہوئے مقررہ 50اوورزمیں9وکٹوں کےنقصان پر 239 رنز بنائے ۔جنوبی افریقا کی جانب سے ہینرک کلاسن نے 86 رنز کی اننگز کھیلی جس میں 2 چھکے اور 7 چوکے شامل تھے۔اس کے علاوہ ریان ریکلٹن 36، ایڈن مارکرم 35 اور ٹونی ڈی زورزی 33 رنز بناکر نمایاں رہے۔ مارکو یانسن 10 اور وین ڈر ڈوسین 8 رنز بناکرپویلین لوٹ گئے۔ ٹرسٹن اسٹبز اور اینڈائل فیلوکوائیو ایک ایک رن کےمہمان ثابت ہوئے۔
پاکستان کی جانب سے سلمان علی آغا نے4 کھلاڑیوں کو آؤٹ کیا جب کہ ابرار احمد نے 2، صائم ایوب اور شاہین آفریدی نے ایک ایک کھلاڑی کاشکارکیا۔
ہدف کےتعاقب میں قومی ٹیم کابھی آغازاچھانہ رہاصرف 2رنزپرپہلی وکٹ گرگئی۔ عبداللہ شفیق صفر پر پویلین لوٹ گئے۔اس کےبعدمایانازبلےبازبابراعظم بھی صرف23 رنز بناسکے،جبکہ کپتان محمدرضوان صرف ایک رنزبناکرپویلین لوٹ گئے اس کےبعدکامران غلام بھی زیادہ دیرتک کریزپرنہ ٹھہرے وہ 4رنز بناکر آؤٹ ہوگئے۔
صائم ایوب نےعمدہ کھیل کامظاہرہ کیا اور آغا سلمان کے ساتھ مل کر اسکور کو آگے بڑھایا۔ صائم ایوب نے ون ڈے کیرئیر کی دوسری سنچری اسکور کی اور 201 رنز کے مجموعی اسکور پر 109 رنز بنا کر آؤٹ ہوئے۔
ان کے بعد آنے والے عرفان خان نے ایک رن بنایا جبکہ شاہین آفریدی بغیرکھاتہ کھولےہی پویلین لوٹ گئے۔
اس موقع پر آغا سلمان نے ذمہ داری سے اننگز جاری رکھی اور نسیم شاہ کے ساتھ مل کر آخری اوور میں ٹیم کو فتح دلوادی۔ آغا سلمان 82 رنز بنا کر ناقابل شکست رہے، نسیم شاہ بھی 9 رنز پر ناٹ آؤٹ رہے۔
جنوبی افریقا کے کگیسو ربادا اور اوٹنیل بارٹمین نے 2 ،2 کھلاڑیوں کو آؤٹ کیا۔
یوں پاکستان نے240رنزکاہدف آخری اوورمیں7وکٹوں کے نقصان پرحاصل کرکے شاہینوں نےمیزبان جنوبی افریقہ سے3میچزکی سیریزمیں واضح برتری حاصل کرلی۔
میزبان جنوبی افریقا کے خلاف پہلے ون ڈے میچ کے لیے قومی ٹیم کی پلیئنگ الیون میں صائم ایوب، عبداللہ شفیق، بابر اعظم ،کپتان محمد رضوان ، کامران غلام، سلمان آغا، عرفان خان ، شاہین آفریدی، نسیم شاہ، حارث رؤف اور ابرار احمد شامل تھے۔
یاد رہےکہ پاکستان اور جنوبی افریقا کے درمیان تیسرا اور آخری ٹی ٹوئنٹی میچ بارش کی نذر ہوگیا تھا جس کی وجہ سے جنوبی افریقا نے تین ٹی ٹوئنٹی میچز کی سیریز 0-2 سے اپنے نام کی تھی۔