پہلگام واقعہ: اقوام متحدہ کا پاکستان ،بھارت کو تحمل کا مشورہ

پہلگام واقعہ کےبعد اقوام متحدہ نے پاکستان اوربھارت کو تحمل کا مشورہ دیدیا۔
اقوام متحدہ کے سیکریٹری جنرل انتونیو گوتریس کے ترجمان سٹیفن ڈویارک نے کہا کہ سیکریٹری جنرل نے گزشتہ 24 گھنٹوں کے دوران دونوں حکومتوں سے ’براہ راست رابطہ نہیں کیا۔‘ لیکن وہ ’تشویش کے ساتھ صورتحال پر کڑی نظر رکھے ہوئے ہیں۔ اقوام متحدہ پہلگام میں حملے کی مذمت کر چکا ہے۔
وہ کہتے ہیں کہ دونوں ملکوں کو ’زیادہ سے زیادہ تحمل کا مظاہرہ کرنا چاہیے اور یہ یقینی بنانا چاہیے کہ صورتحال مزید خراب نہ ہو۔ہمارا خیال ہے کہ معنی خیز باہمی روابط کے ذریعے پاکستان اور انڈیا کے درمیان کسی بھی مسئلے کو پُرامن طریقے سے حل کیا جا سکا ہے۔