پی آئی اے نےیورپ جانیوالے مسافروں کیلئے بکنگ شروع کردی

یورپ جانیوالے پاکستانی مسافروں کیلئےخوشخبری،قومی ایئر لائن ( پی آئی اے) نے یورپ جانیوالے پاکستانی سیاحوں اور مسافروں کیلئے پروازوں کی بکنگ شروع کردی ۔
یورپی ایوی ایشن سیفٹی ایجنسی نےپی آئی اے فلائٹ آپریشن پر عائد پابندی اٹھا لی ہے، جس کے بعد پاکستان انٹرنیشنل ایئر لائن نے 10 جنوری سے پیرس کیلئے پروازیں چلانے کی تیاری کرلی ہے۔
ترجمان قومی ایئر لائن کے مطابق بورڈ اجلاس میں یورپ کیلئے پروازوں کی بحالی پررپورٹ پیش ہوئی اور فرانس کےسول ایوی ایشن حکام کوسلاٹ کی منظوری کیلئے درخواست دیدی گئی ہے۔
ذرائع کے مطابق قومی ایئر لائن کی یورپ کیلئے بحالی کے بعد پہلی پرواز جنوری 2025 میں روانہ ہوگی ، پروازپی کے 719 دس جنوری کی صبح 11 بجے اسلام آباد سے پیرس جائے گی، پہلے مرحلے میں قومی ایئر لائن پیرس کیلئے ہفتہ وارایک پرواز چلائے گا۔