پی آئی اے کا لاہور سے باکو کیلئے براہ راست پروازیں شروع کرنے کا اعلان

آزربائیجان جانیوالے پاکستانی سیاحوں اور مسافروں کیلئے بڑی خوشخبری،پی آئی اے کا 20 اپریل سے لاہور سے باکو کیلئے براہ راست پروازیں شروع کرنے کا اعلان،قومی ایئرلائن پی آئی اے، لاہور سے ہفتہ وار دو پروازیں چلائے گی۔
پی آئی اے کارپوریٹ کمیونیکیشن ڈویژن کے مطابق باکو کیلئے پروازیں اتوار اور بدھ کے دن روانہ ہوا کریں گی۔اس سلسلے میں شہر قائد کراچی میں ٹریول ایجنٹس اور ٹور آپریٹرز کے اعزاز میں پی آئی اے کی جانب سے خصوصی تقریب کا انعقاد کیا گیا، جس میں ٹریول ایجنٹس کو قومی ایئر لائن کی باکو پروازوں کے متعلق مکمل معلومات فراہم کی گئیں۔
ترجمان قومی ایئر لائن پی آئی کا کہنا ہے کہ لاہور اور باکو کے درمیان براہ راست پروازوں سے دو طرفہ سیاحت اور تجارتی روابط کو مزید فروغ ملے گا۔باکو کے سیاحتی روٹ کو کامیاب بنانے کیلئےٹریول ایجنٹس کا کردار اہم کردار ہے، یہی وجہ ہے کہ قومی ایئرلائن پی آئی ائے باکو روٹ کو کاروباری اور سیاحتی روٹ کے طور پر کامیاب بنانے کیلئے پرُعزم ہے۔