پی آئی اے کا یورپی فلائٹ آپریشن کیلئے اہم فیصلہ
![](https://pakistantoday.tv/wp-content/uploads/2024/04/PIA-905x400.jpg)
پاکستان ٹوڈے: قومی ایئر لائن کے مسافروں کیلئے بڑی خوشخبری۔۔۔پاکستان انٹرنیشنل ایئر لائنز (پی آئی اے) نے یورپی فلائٹ آپریشن کیلئے پیرس کو حب بنانے کا فیصلہ کر لیا۔
تفصیلات کے مطابق پی آئی اے کی یورپی ملکوں کی پروازوں کی بحالی کے معاملے پر انتظامیہ نے 4 سال انتظار کے بعد یورپی ملکوں کے فضائی آپریشن شروع کرنے کی منصوبہ بندی تیز کردی ۔۔۔ذرائع کے مطابق پی آئی اے انتظامیہ کو یقین ہے کہ مئی کے وسط میں ہونیوالے یورپی ائرسیفٹی کمیٹی اجلاس میں پی آئی اے کو یورپی فضائی آپریشن بحال کرنے کی اجازت مل جائے گی ۔
یورپی ایئرسیفٹی کمیٹی کا اہم اجلاس 14 سے 16 مئی کو ہوگا۔اس حوالے سے پی آئی اے کے اعلیٰ افسران کی ٹیم بھی پیرس کا دورہ کرچکی ۔ذرائع کے مطابق یورپی ملکوںکی پروازوں پر جولائی 2020 میں پابندی لگنے سے پی آئی اے کو اب تک 120 ارب روپے کا نقصان ہوچکا ،تاہم اب پی آئی اے کی یورپی ملکوں میں بحالی سے سالانہ اربوں روپے کی آمدنی ہوگی۔