پی سی بی کاون ڈےکرکٹ ٹیم کاکپتان تبدیل کرنےکافیصلہ

پاکستان کرکٹ بورڈ(پی سی بی)نےقومی کرکٹ ٹیم کےون ڈےکپتان کوتبدیل کرنےکافیصلہ کرلیا۔
ذرائع کےمطابق محمدرضوان کوون ڈےکی کپتانی سےہٹانےکافیصلہ کرلیاگیا ہے، ون ڈےکی قیادت فاسٹ بولرشاہین آفریدی کودینےکاامکان ہے۔جبکہ ٹی ٹوئنٹی میں سلمان علی آغاکوکپتان برقراررکھنےکافیصلہ کیاگیاہے۔
جنوبی افریقہ کےخلاف سیریزکیلئےون ڈےاورٹی ٹوئنٹی اسکواڈکااعلان پیرکومتوقع ہے۔
ذرائع کے مطابق مایانازبلےبازبابراعظم کی ٹیم میں واپسی کا امکان ہے۔ صائم ایوب اور محمد حارث کو بھی ٹیم میں برقرار رکھنے کا فیصلہ کیا گیا ہے، حالانکہ دونوں بیٹرز نے ایشیا کپ میں نمایاں کارکردگی نہیں دکھائی تھی۔
ذرائع کا کہنا ہے کہ حسن علی اور حارث رؤف بھی اسکواڈ کا حصہ ہوں گے جبکہ فاسٹ بولر نسیم شاہ کی بھی واپسی کا امکان ہے۔ خوشدل شاہ اور حسین طلعت کو ٹیم سے ڈراپ کرنے کا فیصلہ کیا گیا ہے۔اور نوجوان آل راؤنڈر عرفان نیازی کی ٹیم میں واپسی متوقع ہے، تاہم وکٹ کیپر بلے باز محمد رضوان کی جگہ بنانا مشکل نظر آرہا ہے۔
واضح رہے کہ قومی سلیکشن کمیٹی نے ٹی ٹوینٹی اسکواڈ کافی حد تک فائنل کرلیا ہے اور اعلان آئندہ ہفتے کو متوقع ہے۔