پی ٹی آئی کا26نومبرکااحتجاج:13مقدمات میں 250ملزمان کی ضمانتیں منظور

تحریک انصاف کے26نومبراحتجاج کے13مقدمات میں 250ملزمان کی ضمانتیں منظورکرلی گئیں۔
اسلام آبادکی انسداددہشت گردی عدالت میں تحریک انصاف کے26 نومبر کواحتجاج پردرج 13مقدمات میں 250ملزمان کی درخواست ضمانت کی سماعت ہوئی۔عدالت نےپانچ،پانچ ہزارروپےکےمچلکوں کےعوض250ملزمان کی درخواست ضمانتیں منظورکرلیں اوررہائی کاحکم دےدیا۔عدالت نے 150 ملزمان کی ضمانت کی درخواستیں خارج کردیں۔
درخواست ضمانت منظور:
عدالت نےتھانہ بنی گالہ کے مقدمہ میں 18 ملزمان کی ضمانت بعد از گرفتاری منظورکرلی جبکہ تھانہ کوہسار کے مقدمہ نمبر 1032 میں 43 ملزمان کی ضمانتیں منظورکی گئیں۔تھانہ شہزاد ٹاؤن کے مقدمہ میں 9 ملزمان کی درخواست ضمانتیں منظورہوئی اورتھانہ نون میں دائر مقدمہ کے 17 ملزمان کی ضمانتیں منظور کرلی گئیں۔
تھانہ آبپارہ کے مقدمہ نمبر 1022 میں 70 ملزمان کی ضمانتیں منظورہوئی جبکہ تھانہ آئی نائن کے مقدمہ میں 30 ملزمان کی درخواست ضمانتیں منظورہوئی اورتھانہ مارگلہ میں درج مقدمہ میں 13 ملزمان کی درخواستیں منظورجبکہ تھانہ سہالہ کے 25 ملزمان اور تھانہ شمس کالونی کے 30 ملزمان کی ضمانتیں بھی منظور کرلی گئیں۔
ضمانتیں خارج:
عدالت نےتھانہ کوہسار کے مقدمہ نمبر 1033 میں ملزمان کی درخواست ضمانتیں خارج کردیں جبکہ تھانہ کوہسار کے مقدمہ نمبر 1032 میں 1 ملزم کی درخواست خارج ہوئی ،تھانہ نون میں دائر مقدمہ کے 1 ملزم کی درخواست بھی خارج کردی گئی۔
عدالت نےتھانہ آبپارہ کے مقدمہ نمبر 1022 میں25 ملزمان کی درخواست ضمانتیں خارج کردیں جبکہ تھانہ مارگلہ میں درج مقدمہ میں2 ملزمان کی ضمانتیں خارج کر دی گئیں اورتھانہ سیکریٹریٹ کے 2 مقدمات میں 120 ملزمان کی ضمانتیں خارج ہوئیں جبکہ ملزمان کیخلاف 10 تھانوں میں 13 مقدمات درج ہیں۔