چیئرمین سینیٹ ،سپیکرقومی اسمبلی کی تنخواہوں میں اضافہ،وزیراعظم کانوٹس

وزیراعظم شہبازشریف نے چیئرمین ،ڈپٹی چیئرمین سینیٹ،سپیکر،ڈپٹی سپیکرقومی اسمبلی کی تنخواہوں میں اضافےکانوٹس لےلیا۔
ذرائع کےمطابق وزیراعظم شہبازشریف نےتنخواہوں میں اضافےکانوٹس لیتےہوئےسپیکرقومی اسمبلی ایازصادق اورچیئرمین سینیٹ سیدیوسف رضاگیلانی سےپورٹ طلب کرلی تاکہ یہ جانا جا سکے کہ کن بنیادوں پر یہ اضافہ کیا گیا۔ وزیراعظم کی جانب سے یہ قدم عوامی ردعمل اور تنقید کے بعد اٹھایا گیا ہے، خاص طور پر ایسے وقت میں جب سرکاری ملازمین کی تنخواہوں میں صرف 10 فیصد اضافہ کیا گیا ہے جبکہ سپیکراور چیئرمین سینیٹ کی تنخواہوں میں 500فیصداضافے پر حکومت کو عوامی حلقوں کی جانب سے کڑی تنقیدکاسامناکرناپڑرہاہے۔ملک پہلے ہی معاشی مشکلات کا شکار ہے۔
ذرائع کاکہناہےکہ سپیکر،ڈپٹی سپیکرقومی اسمبلی اورچیئرمین وڈپٹی چیئرمین سینیٹ کی تنخواہوں میں 500فیصدتک اضافہ کیاگیا، رپورٹ کی روشنی میں وزیراعظم سپیکراورچیئرمین سینیٹ کی تنخواہوں میں اضافےپرفیصلہ کریں گے۔
یاد رہے کہ وزیر خزانہ نے بجٹ پیش کرنے کے بعد ایک وضاحت میں کہا تھا کہ وزرا اور پارلیمانی رہنماؤں کی تنخواہیں گزشتہ کئی سال سے نہیں بڑھائی گئیں، اس لیے اب ان پر بھی نظرثانی ضروری تھی۔
تاہم حکومت کے اندر سے بھی اس فیصلے پر اختلاف سامنے آیا ہے۔ وزیر دفاع خواجہ آصف نے تنخواہوں میں اضافے کو غیر مناسب قرار دیتے ہوئے کہا کہ یہ قدم ’مالی بددیانتی یا مالی فحاشی‘ کے مترادف قرار دیا۔