چیئرمین پی سی بی محسن نقوی کااعلیٰ الصبح قذافی اسٹیڈیم کادورہ

چیئرمین پاکستان کرکٹ بورڈ(پی سی بی)محسن نقوی نےاعلیٰ الصبح قذافی اسٹیڈیم کادورہ کیا۔
قذافی سٹیڈیم اپ گریڈیشن پراجیکٹ نے سپیڈ پکڑ لی ،بیسمنٹ کی تکمیل کے بعد فلورز کی تعمیر اور سٹیل فکسنگ اسٹرکچرکا کام تیزہوگیا۔اسٹیڈیم کے انکلوژرز پر دن رات تعمیراتی کام جار ی ہے۔
چیئرمین پاکستان کرکٹ بورڈ محسن نقوی نےاعلیٰ الصبح قذافی سٹیڈیم کا تفصیلی دورہ کیا۔ محسن نقوی نے تعمیراتی کاموں پر پیش رفت کا جائزہ لیا،اُنہوں نےانکلوژرز کی اپ گریڈیشن کے کام کا معائنہ کیا۔چیئرمین پی سی بی نے فلورز اور سٹیل فکسنگ ورک پر پیش رفت کا مشاہدہ کیا۔
چیئرمین پی سی بی محسن نقوی نےپراجیکٹ پرکام کی رفتارتیزکرنےکی ہدایت کی۔
چیئرمین پی سی بی محسن نقوی کاکہناتھاکہ کام کے بہترین معیار کو ہر صورت یقینی بنایا جائے۔چیمپئنز ٹرافی ٹورنامنٹ سے قبل قذافی سٹیڈیم اپ گریڈیشن پراجیکٹ کی تکمیل کے تمام وسائل بروئے کار لائے جائیں۔ میگا پراجیکٹ کی بروقت تکمیل کے لیے کوئی کسر اٹھانہ رکھی جائے۔پوری ٹیم دن رات محنت کر رہی ہے۔پراجیکٹ کو ریکارڈ مدت میں مکمل کریں گے۔
چیئرمین پی سی بی محسن نقوی نے ایف ڈبلیو او حکام کو پراجیکٹ کی بروقت تکمیل کے لیے ہدایات دیں۔