چیمپئنزٹرافی:فائنل سےقبل بھارت کوبڑادھچکا،اہم کھلاڑی انجری کاشکار

انٹرنیشنل کرکٹ کونسل (آئی سی سی)چیمپئنزٹرافی کےفائنل سےقبل بھارت کوبڑادھچکا،اہم کھلاڑی انجری کاشکارہوگئے۔
انٹرنیشنل کرکٹ کونسل(آئی سی سی)چیمپئنزٹرافی کامیلہ اپنےاختتام کی جانب گامزن ہےمیگاایونٹ کاصرف فائنل میچ باقی رہ گیاجوکہ اتوارکوبھارت اورنیوزی لینڈکےدرمیان کھیلاجائےگا۔
بھارت کےمایانازبلےبازویرات کوہلی جمعہ کوانٹرنیشنل کرکٹ کونسل اکیڈمی میں ٹریننگ سیشن کےدوران زخمی ہوگئے۔وہ نیٹ پریکٹس کررہےتھےاُن کوایک تیز گیند گھٹنے پر جا لگی، جس کے بعد انہوں نے فوری طور پر پریکٹس روک دی۔
بھارتی ٹیم کے فزیو سٹاف نے فوراً کوہلی کا معائنہ کیا، انہیں اسپرے لگایا اور متاثرہ جگہ پر بینڈیج باندھ دی۔
چوٹ کے باوجودکوہلی گراؤنڈ میں موجود رہے اور بقیہ ٹریننگ سیشن کو دیکھتے رہے، جبکہ انہوں نے ساتھی کھلاڑیوں اور کوچنگ سٹاف کو اپنی فٹنس کے بارے میں بتایا۔
بعد ازاں بھارتی کوچنگ اسٹاف نے واضح کیا کہ کوہلی کی چوٹ سنگین نہیں ہے اور وہ فائنل میں کھیلنے کے لیے مکمل طور پر فٹ ہوں گے۔