چیمپئنزٹرافی کاانعقادپاکستان کیلئےاعزاز،ہم ہرٹیم کوکھلےدل سےخوش آمدید کہتے ہیں،محسن نقوی

چیئرمین پاکستان کرکٹ بورڈ(پی سی بی)محسن نقوی نےکہاہےکہ چیمپئنزٹرافی ٹورنامنٹ کاانعقادپاکستان کےلئےاعزازہے،ہم ہرٹیم کوکھلےدل سےخوش آمدیدکہتےہیں۔
چیئرمین پی سی بی محسن نقوی کی آئی سی سی ایسو سی ایٹس ممبرکمیٹی کےچیئرمین مبشرعثمانی سے ملاقات ہوئی،دونوں جانب سےچیمپئنزٹرافی ٹورنامنٹ کے انعقاد کے حوالے سےاہم امورپرتبادلہ خیال کیا گیا۔پاکستان اوریواےای  کرکٹ کےفروغ کےلئے مزیداقدامات پرگفتگوہوئی۔
چیئرمین پی سی بی محسن نقوی نے چیمپئنزٹرافی ٹورنامنٹ کےحوالےسےبات چیت کرتےہوئےاسٹیڈیمزکی اپ گریڈیشن پراجیکٹس پرپیشرفت کےبارےمیں بھی بتایا۔
چیئرمین پی سی بی محسن نقوی کاکہناتھاکہ پاکستان چیمپئنزٹرافی ٹورنامنٹ کے انعقاد کےلئے تیارہے ،پاکستان پرامن ملک ہے،پاکستانی قوم کرکٹ کوپسندکرتی ہے، چیمپئنزٹرافی کےلئے سیکیورٹی سمیت تمام ترانتظامات کوحتمی شکل دی جاچکی،کرکٹ شائقین چیمپئنزٹرافی کےبڑےمقابلےکےلئےبیتاب ہیں۔
محسن نقوی کامزیدکہناتھاکہ تمام ممالک کواسٹیٹ گیسٹ کاپروٹوکول اورسیکیورٹی دی جائےگی ،چیمپئنز ٹرافی ٹورنامنٹ کاانعقادپاکستان کےلئےاعزازہے،ہم ہرٹیم کوکھلےدل سےخوش آمدیدکہتےہیں،ہم نےکرکٹ اورسیاست کوالگ الگ رکھناہے۔