چیمپئن ٹرافی2025:بھارت نےلال جھنڈی دکھادی

چیمپئن ٹرافی 2025بھارت نےپاکستان دورےپرلال جھنڈی دکھادی۔
پاکستان میگاایونٹ کی میزبانی کرنےجارہاہے۔ایسےمیں بھارت کی جانب سےروایت برقراررکھتےہوئےپاکستان آنےسےانکارکیاجارہاہے۔تاہم اب بھارتی میڈیا کی جانب سے آئی سی سی کے حوالے سے دعویٰ کیا جا رہا ہے۔
بھارتی میڈیا کے مطابق آئی سی سی کی جانب سے بھارت کی عدم شرکت پر متبادل پلان پر سوچنا شروع کردیا گیاہے۔آئی سی سی چیمپئنز ٹرافی 2025 ہائبرڈ ماڈل کے تحت کھیلا جا سکتا ہے، جس میں بھارت کے میچ پاکستان میں نہیں ہو سکیں گے۔
دوسری جانب بھارت میگاایونٹ میں شرکت نہ کر کے آئی سی سی کے لیے مشکل کھڑی کر رہا ہے، تاہم متبادل مقام کا آپشن زیر غور ہے۔جبکہ میڈیا رپورٹس کے مطابق ایونٹ کے میچز کراچی، لاہور، راولپنڈی اور لاہور کے علاوہ دبئی میں بھی کھیلے جائیں گے، بورڈز کی جانب سے منظوری کی صورت میں ہائبرڈ ماڈل پر عمل درآمد کیا جائے گا۔
ہائبرڈ ماڈل کی منظوری کی صورت میں صورتحال اس لیے بھی زیر غور ہوگی کیونکہ بھارت کے سیمی فائنل اور فائنل میں جانے کی صورت میں میچ پاکستان میں نہیں ہو پائے گا۔
دوسری جانب پاکستان کرکٹ بورڈ کی جانب سے ایسے کسی بھی اقدام کو قبول نہ کرنے کا فیصلہ کیا گیا ہے۔