چینی کی قیمتوں میں اضافہ،آڈیٹرجنرل نےبڑاانکشاف کردیا

آڈیٹر جنرل آف پاکستان نے بڑا انکشاف کیاہےکہ چینی کی قیمتوں میں حالیہ رد و بدل سے شوگر ملز نے (300)تین سو ارب روپے کمائے۔
چیئرمین پی اے سی خواجہ شیراز نےکہاہےکہ چینی کی قیمتوں میں حالیہ رد و بدل سے صرف 42 خاندانوں نے 3 سو ارب روپے کمائے ہیں۔بھارت میں اسوقت پاکستانی 143 روپے کے حساب سے چینی دستیاب ہے۔ کیوں کسی کو بھی شوگر مل لگانے کی اجازت نہیں دی جاتی۔جب تمام صوبوں نے کہا کہ چینی کا وافر اسٹاک موجود ہے تو کیوں درآمد کرنے کا فیصلہ کیا گیا۔
سیکرٹری فوڈ سیکورٹی نےبتایاہےکہ سیلز ٹیکس اور دیگر ٹیکسوں کو کم کرنے کا مقصد سستی چینی فراہم کرنا تھا۔ اگر درآمدی چینی پر 80 روپے کے ٹیکس ہونگے تو مہنگی ملے گی۔
دوسری جانب ہول سیل گروسرز ایسوسی ایشن کے چیئرمین رؤف ابراہیم کے مطابق پیر کو شوگر ملز مالکان کی جانب سے فی کلوگرام چینی کی مقررہ 165روپے کی ایکس مل قیمت کے برعکس 171روپے 50پیسے رہی ہے۔
ایسوسی ایشن کے مطابق فی کلو چینی 165روپے کی ایکس ملز قیمت پر دستیابی کی صورت میں تھوک میں فی کلو چینی 168روپے جبکہ ریٹیل میں 176روپے میں فروخت ممکن ہے۔