چین میں مشین گن سے لیس روبوٹ ڈاگ تیار
![](https://pakistantoday.tv/wp-content/uploads/2024/05/Robot-dog-905x400.jpg)
پاکستان ٹوڈے: چور، ڈاکو ہو جائیں خبردار,چین میں مشین گن سے لیس روبوٹ ڈاگ تیار۔
تفصیلات کے مطابق روبوٹ ڈاگ کو چین اور کمبوڈیا کی مشترکہ دفاعی مشقوں کے دوران پیش کیا گیا۔ چینی میڈیا کے مطابق بیٹری سے چلنے والے اس روبوٹ کو دور دراز سے ریموٹ کے ذریعے کنٹرول کیا جاسکتا ہے،یہ روبوٹ ڈاگ 2 سے 4 گھنٹے تک مسلسل دوڑ سکتا ہے، جبکہ آگے چلنے کے ساتھ ساتھ پیچھے بھی چل سکتا ہے ،یہ روبوٹ ڈاگ بیٹھنے اور چھلانگ لگانے کی صلاحیت بھی رکھتا ہے۔
میڈیارپورٹ میں بتایا گیا کہ یہ کتا اپنے راستوں کی منصوبہ بندی خود کر سکتا ہے، جبکہ اہداف کو شناخت اور ان پر حملہ بھی کر سکتا ہے۔ اس روبوٹ ڈاگ کا وزن 50 کلو گرام کے قریب ہے اور مشین گن اس کے اندر نصب ہے ،جو باہر نکل کر ہدف کو نشانہ بناتی ہے۔چینی دفاعی تجزیہ کار کے مطابق یہ روبوٹ ڈاگ شہری علاقوں میں آپریشن کیلئے اہم ثابت ہوگااور کچھ شعبوں جیسے کسی کو ڈھونڈنے اور اہداف کو نشانہ بنانے کے حوالے سے انسانوں کی جگہ لے سکتا ہے۔
چینی کمپنی کے تیار کردہ اس روبوٹ ڈاگ کی قیمت ایک لاکھ ڈالرز کے قریب بتائی جا رہی ہے۔یہ پہلی بار نہیں کہ جب چین کی جانب سے روبوٹ کتوں کا مظاہرہ کیا گیا ہے، اس سے قبل 2022 میں بھی اسی طرح کا ایک روبوٹ دفاعی مشق میں استعمال کیا گیا تھا۔