چیٹ جی پی ٹی میں اے آئی کوڈنگ ایجنٹ کوڈیکس متعارف

چیٹ جی پی ٹی صارفین کیلئے خوشخبری،اوپن اے آئی نے چیٹ جی پی ٹی میں اے آئی کوڈنگ ایجنٹ کوڈیکس متعارف کرا دیا۔
اوپن اے آئی نے کوڈیکس کو چیٹ جی پی ٹی کا حصہ بنانے کا اعلان کر دیا، جو اس کمپنی کا اب تک کا سب سے بہترین آرٹی فیشل انٹیلی جینس اے آئی کوڈنگ ایجنٹ ہے۔کوڈیکس بنیادی طور پر کوڈیکس 1 پر مبنی ہے، جو اوپن اے آئی کا او تھری اے آئی ریزوننگ( o3 AI reasoning )ماڈل ہے۔
اوپن اے آئی کے مطابق کوڈیکس 1 کوڈز کی تیاری کیلئے o3 سے زیادہ بہتر ہے اور صارفین کی ہدایات پر درست عملدرآمد کرتا ہے۔یہ کوڈیکس ایجنٹ سینڈ باکس میں رن کرتا ہے ،جو کلاؤڈ پر کام کرنیوالا ایک ورچوئل کمپیوٹر ہے۔
اوپن اے آئی کے مطابق یہ اے آئی کوڈنگ ایجنٹ ایک سے 30 منٹ کے اندر سادہ فیچرز تحریر کرسکتا ہے، بگس bugs فکس کرسکتا ہے، کوڈ بیس سے متعلق صارفین کے سوالات کا جواب دے سکتا ہے ،نیزاور بھی متعدد کام کرسکتا ہے۔ کوڈیکس متعدد سافٹ وئیر انجینئرنگ ٹاسک بیک وقت کرسکتا ہے اور اپنے کام کے دوران صارفین کو کمپیوٹر یا براؤزر تک رسائی سے بھی محروم نہیں کرتا۔
اس کوڈیکس کو سب سے پہلے اوپن اے آئی کے چیٹ جی پی ٹی پرو، انٹرپرائز اور ٹیم کے سبسکرائبرز کیلئے متعارف کرایا جا رہا ہے۔