ڈینگی وائرس نےخطرےکی گھنٹی بجادی،160کیسزرپورٹ

لاہور سمیت پنجاب بھر میں ڈینگی نےخطرےکی گھنٹی بجادی، گزشتہ چوبیس گھنٹوں میں صوبہ میں ڈینگی کے 160 کیسز رپورٹ ہوئے۔
ایک ہفتہ میں 885، رواں سال اب تک 3136 ڈینگی کے کیسز رپورٹ ہوئے،گزشتہ چوبیس گھنٹوں میں راولپنڈی سے 129 جبکہ لاہور سے 9 ڈینگی کے کیس رپورٹ ہوئے،بہاولپور سے 4، گوجرانولہ اور سرگودھا سے 3-3 جبکہ چکوال سے 2 کیس رپورٹ ہوئے۔
شیخوپورہ، جہلم، فیصل آباد، ساہیوال، ٹوبہ ٹیک سنگھ، مظفر گڑھ، خانیوال، جھنگ، گجرات اور پاکپتن سے ایک ایک کیس رپورٹ ہوئے۔
ترجمان محکمہ صحت کےمطابق محکمہ صحت نے انسداد ڈینگی کے لئے تمام انتظامات مکمل کر رکھے ہیں،تمام سرکاری ہسپتالوں میں ڈینگی سمیت دیگر ادویات کا سٹاک موجود ہے۔