ڈینگی کیسزمیں اضافہ:اعدادوشمارجاری

ڈینگی کیسزمیں اضافہ : محکمہ پرائمری اینڈ سیکنڈری ہیلتھ کیئر نے پنجاب بھر میں ڈینگی کے اعدادو شمار جاری کردیے۔
ترجمان محکمہ صحت کےمطابق گزشتہ چوبیس گھنٹوں میں صوبہ میں ڈینگی کے 4 کیس رپورٹ ہوئے، ایک ہفتہ میں18 کیسز جبکہ رواں سال میں اب تک ڈینگی کے 259 کیسز رپورٹ ہوئے،گزشتہ چوبیس گھنٹوں میں لاہور سے 1، راولپنڈی سے 2 اور ملتان سے ڈینگی کے 1 کیس رپورٹ ہوئے۔
ترجمان محکمہ صحت کاکہناہےکہ محکمہ صحت نے انسداد ڈینگی کے لئے تمام انتظامات مکمل کر رکھے ہیں، تمام سرکاری ہسپتالوں میں ڈینگی سمیت دیگر ادویات کا سٹاک موجود ہے۔