کراچی سےمتعلق متنازع بیان دینےپر صباقمرتنقیدکی زدمیں آگئیں

پاکستان شوبزانڈسٹری کی معروف اداکارہ صباقمرنےشہرقائدکراچی سےمتعلق متنازع بیان دیاجس کی وجہ سےوہ تنقیدکی زدمیں آگئیں۔
حال ہی میں اداکارہ صباقمرنےایک پوڈکاسٹ میں بطورمہمان شرکت کی۔جہاں پرانہوں نےاپنی نجی زندگی اورکیرئیرکےحوالےسےکھل کرگفتگوکی۔
میزبان نےاداکارہ سےروزگارکےحوالےسےکراچی منتقل ہونےکےبارےمیں سوال کیاجس پرصباقمر نے فوراً جواب دیا کہ استغفراللہ کبھی نہیں۔
بعدازاں انہوں نے کہا خیر، انسان کبھی نہیں جانتا کہ مستقبل میں کیا ہو، لیکن میں کراچی صرف کام کیلئے جاتی ہوں، اپنا کام مکمل کرتی ہوں اور واپس آ جاتی ہوں، مجھے لاہور اور اسلام آباد پسند ہیں، اگر کوئی کراچی میں مجھے گھر لے دے تو ٹھیک ہے، حالانکہ میں نے وہاں اپنا ایک گھر بنا بھی لیا ہے۔
پوڈکاسٹ کے دوران وہ آہستہ آواز میں یہ بھی کہتی سنائی دیں کہ I don’t like Karachi (مجھے کراچی پسند نہیں)۔
گفتگوکےدوران اداکارہ نےکہا کہ تمام پروجیکٹس جو کراچی میں شوٹ ہو رہے ہیں، انہیں اسلام آباد منتقل کر دینا چاہیے۔
صبا قمر کے اس بیان نے سوشل میڈیا پر بحث چھیڑ دی ہے اور مداحوں کا کہنا ہے کہ کراچی جیسے بڑے شہر کے بارے میں منفی رائے کا اظہار ایک معروف اداکارہ کے شایانِ شان نہیں۔
ایک صارف نے لکھا کہ صبا قمر نے کراچی کے لئے استغفراللہ کہا یہ کتنی بری بات ہے، دوسرے نے کہا جب کراچی کے ڈراموں میں کام کرتی ہیں تو اسی شہر کے بارے میں ایسی باتیں کیوں کرتی ہیں؟