کراچی سے لاہور جانے والی ملت ایکسپریس کی 3 بوگیاں ٹریک سے اتر گئیں

کوٹری ریلوے اسٹیشن کے قریب ملت ایکسپریس کی 3 بوگیاں ٹریک سے اتر گئیں۔

ریلوے حکام کے مطابق کوٹری ریلوے اسٹیشن کے قریب ملت ایکسپریس کو حادثہ پیش آگیا جس کے نتیجے میں ٹرین کی 3 بوگیاں پٹری سے اتر گئیں، حادثے کا شکار ملت ایکسپریس کراچی سے لاہور جا رہی تھی، حادثہ میں کوئی شخص زخمی نہیں ہوا۔

ریلوے حکام کا کہنا ہے کہ بوگیاں ڈی ریل ہونے کے باعث ریلوے ٹریفک متاثر ہوئی ہے، ٹرینوں کو مختلف اسٹیشنز پر روک لیا گیا ہے۔