کراچی میوزیم کاداخلی دروازہ کتنا قدیمی ہے؟

پاکستان ٹوڈے: (کاظم جعفری) کراچی میوزیم کا قدیمی دروازہ ملکی و غیر ملکی سیاحوں کی توجہ کا مرکز بن گیا۔ روشنیوں کے شہر میں واقع کراچی میوزیم انتہائی تاریخی اہمیت کے حامل نوادرات کی وجہ دنیا بھر کے ریسرچرز اور ٹور سٹ میں مشہور ہے۔

تفصیلات کے مطابق ان دنوں کراچی میوزیم کا 3سوسال پرانےپتھروں سےتعمیر شدہ داخلی دروازہ ملکی اور غیر ملکی سیاحوں کی توجہ کا مرکز بنا ہوا ہے۔ کراچی میوزیم میں ٹھٹھہ کی تاریخی مسجد شاہجہاں کے ساڑھے تین سو سال پرانے پتھروں سے بنا ایک قدیمی دروازہ، جس پر قرآنی آیات بھی نقش ہیں یہاں آنیوالے ملکی و غیر ملکی سیاحوں کی توجہ کا مرکز بنا ہوا ہے۔

محکمہ ثقافت سندھ صوبے میں سیاحت اور کلچر کو فروغ دینے کیلئے موثر اقدامات کر رہا ہے اور کراچی میوزیم میں قدیم طرز کا پتھروں سے بنے داخلی دروازے کو نصب کیا جانا بھی اسی سلسلے کی ایک کڑی ہے۔ کراچی میوزیم کا یہ مرکزی اور داخلی دروازہ صرف 8 ماہ کی قلیل مدت میں بنایا گیا ۔ یہ دروازہ قدیم سندھی ثقافت کا عکاس بھی ہے۔

محکمہ آثار قدیمہ اور محکمہ ثقافت سندھ کے حکام کا کہنا ہے کہ کراچی میوزیم کے اس قدیمی اور تاریخی دروازے کی یہاں تنصیب کا مقصد بھی یہی ہے کہ اس سے ناصرف قدیم سندھی ثقافت کو محفوظ بنایا جا سکے گا، بلکہ کراچی میوزیم آنیوالے سیاحوں کیلئے یہ باعث ِ کشش بھی ثابت ہو ۔