کراچی میں اکتوبر کا مہینہ کیسا رہے گا؟ محکمہ موسمیات کی پیشگوئی

شہر قائدکراچی میں اکتوبر کا مہینہ کیسا رہے گا؟ محکمہ موسمیات نے پیشگوئی کر دی۔
مون سون کے اختتام کے بعد ملک بھر میں جہاں موسم خزاں کی آمد ہے، وہیں روشنیوں اور ساحلوں کے شہر کراچی کے حوالے سے بھی محکمہ موسمیات نے اہم پیشگوئی کی ہے۔
محکمہ موسمیات کے مطابق شہر کراچی میں آج صبح سےسمندر کے نچلی سطح کے بادلوں کے سبب مختلف علاقوں میں بوندا باندی اور پھوار کا امکان ہے۔
محکمہ موسمیات کے مطابق کراچی میں بوندا باندی اور پھوار کایہ سلسلہ 25 ستمبر تک جاری رہ سکتا ہے، تاہم رواں ماہ کے اختتام پر درجہ حرارت میں اضافہ اور گرمی کی شدت بتدریج بڑھ سکتی ہے۔
محکمہ موسمیات کے مطابق اکتوبر کا مہینہ مجموعی طور پر گرم رہے گا، تاہم ستمبر کے آخر یا اکتوبر کے شروع میں سندھ کے جنوب مشرقی سندھ اور کراچی سمیت سندھ کے ساحلی علاقوں میں بارش کے اچھے سپیل کی توقع ہے۔