کراچی والوں کیلئے خوشخبری،محکمہ موسمیات نےبارشوں کی نویدسنادی

گرمی کے ستائے کراچی والوں کیلئے خوشخبری،محکمہ موسمیات نےبارشوں کی نوید سنادی۔
محکمہ موسمیات کاکہناہےکہ 5 مئی کی شام کو کراچی میں آندھی اور گرج چمک کے ساتھ بارش متوقع ہے۔ بارش کا سلسلہ ایک سے دو روز تک جاری رہے گا۔
قبل ازیں محکمہ موسمیات نے ملک کے مختلف حصوں میں آج آندھی، ژالہ باری اور تیز بارش کی پیشگوئی کرتے ہوئے کہا کہ بالائی سندھ اور بلوچستان میں شام کے وقت آندھی اور بادل برسنے کا امکان ہے۔ملک کے مختلف علاقوں میں آج بھی بادل برسنے کاامکان ہے۔
محکمہ موسمیات نے آئندہ چوبیس گھنٹے کے دوران،کوئٹہ، لاہور، اسلام آباد اور پشاور سمیت بیشتر علاقوں میں کہیں ہلکی کہیں تیز بارش کی پیشگوئی کی ہے۔