کرپشن،معاشی تباہی،مہنگائی اوربدتمیزی تبدیلی کی سوغاتیں تھیں، نواز شریف

سابق وزیراعظم وسربراہ مسلم لیگ میاں محمدنوازشریف نےکہاہےکہ کرپشن، معاشی تباہی،مہنگائی اوربدتمیزی تبدیلی کی سوغاتیں تھیں۔
لاہورمیں سابق وزیراعظم نوازشریف سےاراکین پنجاب اسمبلی نےملاقات کی، ساہیوال،خانیوال، ملتان، لودھراں اوروہاڑی ڈویژن سےتعلق رکھنے والے ارکان ملاقات کرنےوالوں میں شامل تھے۔
اراکین سےخطاب کرتےہوئےسربراہ مسلم لیگ ن کاکہناتھاکہ بدقسمتی ہےترقی کرتاملک پٹڑی سے اُتاردیا گیا،سیاست میں گندڈال کراسےتباہ کیاگیا ،بدتہذیبی ،بدتمیزی،بغض اورانتقام کوسیاست بنادیاگیا،معیشت اور اقدارتباہ کیں،جمہوریت کی پیٹھ میں خنجرگھونپاگیا۔
سابق وزیراعظم کامزیدکہناتھاکہ پاکستان ڈیفالٹ کےمنہ سےواپس آیاہے، شہبازشریف کی محنت سےمعاشی استحکام واپس آیا،پالیسیوں کےتسلسل سے معاشی ترقی یقینی ہوگی،کرپشن،معاشی تباہی،مہنگائی اور بدتمیزی تبدیلی کی سوغاتیں تھیں،ہم نےآئی ایم ایف کوخداحافظ کہہ دیاتھا۔