کرینہ کپورکامیرج سرٹیفکیٹ وائرل،مداح پریشان

بالی ووڈمیں بیبوکےنام سےشہرت رکھنےوالی اداکارہ کرینہ کپورکےمیرج سرٹیفکیٹ کی تصویرسوشل میڈیاپروائرہوگئی،جس میں شوہرکانام مداحوں کے لئے باعث پریشانی بن گیا۔
بالی ووڈ کی بیبواوربھارتی فلم انڈسٹری کےچھوٹےنواب سیف علی خان نے 16 اکتوبر 2012 کو شادی کی تھی۔ یہ ایک محبت کی شادی تھی جس کا اعتراف اداکارہ کئی شوز میں کرچکی ہیں۔
سیف سے قبل اداکارہ کے معاشقے کی خبریں سپر اسٹار شاہد کپور کے ساتھ تھیں لیکن بعد ازاں کسی رنجش کے سبب دونوں میں علیحدگی ہوگئی اور کرینہ نے اپنے لیے دو بچوں کے باپ اور طلاق یافتہ سیف علی خان کا انتخاب کیا۔
بھارتی میڈیارپورٹس کےمطابق آج کل سیف علی خان اورکرینہ کپورکےمیرج سرٹیفکیٹ کی تصویر سوشل میڈیاپروائرل ہور ہی ہے،جس میں شوہرکےخانےمیں ’’ساجدخان‘‘درج ہے۔جوکہ دونوں کےمداحوں کےلئےپریشانی کاباعث بن رہاہے۔
بھارتی میڈیا رپورٹس کے مطابق سیف کا اصل نام ساجد علی خان ہے اسی لیے میرج سرٹیفکیٹ میں بھی یہ ہی نام لکھا گیا۔
اس تصویر کو بغور دیکھا جائے تو اس میں ’’برائیڈ سائن‘‘ کے خانے میں کرینہ کپور کا نام درج ہے۔