کِیا کی طرف سے دو گاڑیوں کیلئے فنانسنگ کی سہولت متعارف

نئی گاڑی خریدنے کے شوقین افراد کیلئے بڑی خوشخبری،کِیا کی طرف سے دو گاڑیوں کیلئے فنانسنگ کی سہولت متعارف ،کورین کار سازکمپنی کِیا موٹرز نے اپنی 2 گاڑیوں سٹونک اور پیکانٹو کیلئے بینک اسلامی کی جانب سے شریعہ کے مطابق فائنانسنگ کا منصوبہ پیش کردیا۔
کار فائنانسنگ کا یہ سیٹ اپ ماہانہ ادائیگیوں کا انتظام کرنے اور اعتماد کے ساتھ گاڑی چلانا آسان بناتا ہے۔کِیا سٹونک ایک بہترین سپورٹس یوٹیلیٹی وہیکل، یعنی ایس یو وی ہے، جو جدید طرز، آرام دہ گنجائش اور جدید خصوصیات کو یکجا کرتی ہے، اس کی ایکس فیکٹری قیمت 55 لاکھ روپے ہے اور سب سے کم ماہانہ قسط 80,515 روپے سے شروع ہوتی ہے۔بینک اسلامی کے ذریعے فائنانسنگ کا انتظام شریعت کے مطابق ہے۔ سٹونک کی جدید ٹیکنالوجی اور ہموار ہینڈلنگ پُرلطف ڈرائیو کا موقع فراہم کرتی ہے۔
دوسری جانب ان لوگوں کیلئے جو ایک سٹی کار کو ترجیح دیتے ہیں، کِیا پیکانٹو ایک پرکشش آپشن ہے، اس کی ایکس فیکٹری قیمت ساڑھے 38 لاکھ روپے ہے اور سب سے کم ماہانہ قسط 56,780 روپے ہے۔ اس ماڈل کی مالی اعانت بینک اسلامی کے شریعہ کمپلائنٹ پروگرام کے تحت بھی کی جاتی ہے اور یہ فوری ڈیلیوری کے ساتھ دستیاب ہے، پیکانٹو کی کمپیکٹ شکل اور بجٹ کے موافق فطرت اسے روزمرہ کے استعمال کیلئے خاص طور پر آسان بناتی ہے۔بینک اسلامی اس بات کو یقینی بناتا ہے کہ ہر فائنانسنگ آپشن اسلامی اصولوں کی پیروی کرتا ہو، جس سے آپ ایک درست مالیاتی فیصلہ کرسکتے ہیں۔
اس کے منصوبے لچکدار ہیں، مختلف بجٹ کی ضروریات کو پورا کرتے ہیں اور درخواست کا عمل بھی سیدھا سادھا ہے۔سٹونک اور پیکانٹو کے درمیان انتخاب کرنا زیادہ ترصارفین کی ڈرائیونگ کی ضروریات پر منحصر ہوتا ہے، تاہم دونوں گاڑیاں بینک اسلامی کی جانب سے شریعہ قوانین کے مطابق فائنانسنگ کے ساتھ دستیاب ہیں۔