کھلونے کے نام پر لاکھوں کی لگژری مرسڈیزگاڑی متعارف

کھلونے کے نام پر لاکھوں کی لگژری مرسڈیزگاڑی متعارف، یہ منی گاڑی دیکھنے میں بالکل اصل 1950 اور 60 کی دہائی کی مرسڈیز ایس ایل 300 جیسی ہے۔
روس کی الیگزی مرسڈیز نامی کار ڈیلرشپ کمپنی نے لگژری مرسڈیز بینز ایس ایل 300 کا چھوٹا ماڈل فروخت کیلئے متعارف کروا دیا ، جس کی قیمت 49 ہزار ڈالر رکھی گئی ہے، اسے بچوں اور بڑوں دونوں کیلئے کھلونے کے طور پر تیار کیا گیا ہے، اس میں اصل ماڈل کی طرح ایگزاسٹ پائپ، ڈیش بورڈ کے میٹر، سوئچز اور مشہور مرسڈیز کا نشان بھی شامل ہے۔
یہ منی مرسڈیز 120 کلوگرام تک کا وزن برداشت کرنے کی صلاحیت رکھتی ہے اور 1.5 کلوواٹ الیکٹرک موٹر کی مدد سے 45 کلومیٹر فی گھنٹہ کی رفتار پکڑ سکتی ہے، اس میں ایڈجسٹ ہونیوالی لیدر سیٹس، ایلومینیم ڈیش بورڈ، فنکشنل لائٹس، میوزک کیلئے سب ووفر اور ٹرانسمیشن موڈ سلیکٹر بھی موجود ہیں، اگرچہ اس کی قیمت عام گاڑیوں سے کافی زیادہ ہے، لیکن روس میں اسے بچوں اور بڑوں دونوں کیلئے لگژری کھلونے کے طور پر بیچا جا رہا ہے۔