کیا سوزوکی مہران گاڑی نئے انداز میں واپس آرہی ہے؟

نئی گاڑی خریدنے کے خواہشمند افراد کیلئے اہم خبر،کیا سوزوکی مہران نئے انداز میں واپس آرہی ہے؟پاک سوزوکی نے سوشل میڈیا لیکس پر وضاحتی بیان جاری کردیا۔
سوزوکی مہران گاڑی کی ممکنہ واپسی سے متعلق پاک سوزوکی میاں چنوں موٹرز نے واضح کیا ہے کہ کمپنی کی جانب سے مہران کو دوبارہ متعارف کرانے کا کوئی منصوبہ نہیں ۔کچھ روز سے سوشل میڈیا پر مصنوعی ذہانت اے آئی سے تیار کی گئی ویڈیوز وائرل ہیں، جن میں ایک چھوٹی گاڑی کو مہران 2025 کا ماڈل دکھایا جا رہا ہے، ان ویڈیوز کو دیکھنے والوں کو یہ تاثر ملتا ہے کہ شاید کمپنی کی جانب سےمہران کا نیا ماڈل دوبارہ مارکیٹ میں لایا جا رہاہے،تاہم پاک سوزوکی میاں چنوں موٹرز نے تمام افواہوں کو غلط قرار دیتے ہوئے وضاحت جاری کی ہے کہ کمپنی نہ تو مہران گاڑی کا کوئی نیا ماڈل تیار کر رہی ہے اور نہ ہی اس کی دوبارہ لانچنگ کا کوئی ارادہ رکھتی ہے۔
آپ کو بتاتے چلیں کہ سوزوکی مہران جو کئی دہائیوں تک پاکستان کی سڑکوں پر راج کرتی رہی ہے، اسے 2019ء میں بند کردیا گیا تھا۔ اپنی سادگی، کم قیمت اور آسان مینٹیننس کے باعث یہ گاڑی ’’دی باس‘‘ کے لقب سے مشہور ہوئی،جس کے بعد کمپنی نے سوزوکی آلٹو جیسے نئے ماڈلز بھی متعارف کروائے۔