کینیڈا:وزیراعظم جسٹن ٹروڈوکیخلاف تحریک عدم اعتمادکی تیاریاں

نیوڈیموکرٹیک پارٹی نےکینیڈین وزیراعظم جسٹن ٹروڈوکےخلاف تحریک عدم اعتمادکی تیاریاں شروع کردیں۔
غیرملکی خبرایجنسی کےمطابق جسٹن ٹروڈوکی اہم اتحادی جماعت نیوڈیموکرٹیک پارٹی نے27جنوری کوتحریک عدم اعتمادلانےاعلان کردیا۔اپوزیشن پارٹیوں نےحمایت کردی توجسٹن ٹروڈو اقتدار سے باہر ہوجائیں گے۔
رہنمانیوڈیموکرٹیک پارٹی جگمیت سنگھ کاکہناہےکہ لبرل حکومت ناکام ہوگئی ،نئے انتخابات کرائےجائیں۔
عدم اعتماد کی تحریک پارلیمان سے منظور ہونے کی صورت میں ملک میں قبل از وقت انتخابات کی راہ بھی ہموار ہو سکتی ہے۔ یہ بھی تبصرے کیے جا رہے ہیں کہ اگر کینیڈا میں قبل از وقت الیکشن ہوئے تو اس کا فائدہ اپوزیشن جماعت ’کنزرویٹو پارٹی‘ کو ہو سکتا ہے۔
واضح رہےکہ جسٹن ٹروڈو نومبر 2015 سے کینیڈا کے وزیراعظم منتخب ہوتے چلے آرہے ہیں۔ گزشتہ ایک دہائی میں 3 بار ہونے والے انتخابات میں ان کی مقبولیت کے سبب کینیڈا میں لبرل پارٹی حکومت بناتی رہی ہے۔

یادرہےکہ کینیڈا میں ہر 4 برس بعد الیکشن ہوتے ہیں اور آئندہ انتخابات اکتوبر 2025 یا اس سے قبل ہونے ہیں۔