کےپی میں ججزسیکیورٹی صورتحال کیس میں اہم پیشرفت

خیبرپختونخوامیں ججزسیکیورٹی صورتحال کےکیس میں اہم پیش رفت ہوئی ہے۔
پشاورہائیکورٹ کےچیف جسٹس اشتیاق ابراہیم اورجسٹس ایس ایم عتیق شاہ پرمشتمل 2رکنی بینچ نے خیبرپختونخوامیں ججزسیکیورٹی صورتحال سےمتعلق کیس کی سماعت کی۔رجسٹرار پشاور ہائیکورٹ ،ایڈیشنل چیف سیکرٹری اورپولیس افسران عدالت میں پیش ہوئے۔
رجسٹرارنےکہاکہ ٹانک کےحوالےسےایس اوپیزہمارےساتھ شیئرکئے گئے ہیں،جنوبی اضلاع ابھی تک کلیئرنہیں ہیں آج اجلاس میں بات کریں گے۔
ایڈیشنل چیف سیکرٹری نےکہاکہ یہ پولیس ڈیپارٹمنٹ کی رپورٹ ہےمیں نےڈیٹیل رپورٹ جمع کی ہے،تمام سینئرسول ججزکےساتھ سیکیورٹی کاکہا گیا ہے ،سینئرسول ججزاورایڈیشنل ججزکےساتھ1550سیکیورٹی اہلکارہے۔ہماری تجویز ہےحساس اضلاع کاتعین سی ٹی ڈی کریں تواچھاہوگا۔
چیف جسٹس اشتیاق ابراہیم نےریمارکیس دئیےکہ ہم نےکچھ اےٹی سی ججزکےتبادلےکئے،ان سے سیکیورٹی واپس کی گئی تھی اس لئےتبادلہ کیا،ججزسےسیکیورٹی واپس لینےکوکوئی بات ہوتو رجسٹرار کےنوٹس میں لائیں۔