گرمی کی لہر: اپریل کے اختتام تک پارہ 45 ڈگری کو چھونے کی پیشگوئی

اپریل کے اختتام تک پارہ 45 ڈگری کو چھو سکتا ہے۔ آج بھی گرمی کی لہر اور ہیٹ ویو برقرار رہے گی۔محکمہ موسمیات نے موسم کے حوالے سے اہم پیشگوئی کر دی۔
محکمہ موسمیات کے مطابق آج سے 30 اپریل تک ملک کے بیشتر علاقے ہیٹ ویو کی لپیٹ میں رہنے کا امکان ہے اور اس دوران درجہ حرارت معمول سے 6 سے 8 ڈگری زیادہ ریکارڈ ہو سکتا ہے۔
محکمہ موسمیات کاکہناہےکہ ملک کےبیشترعلاقوں میں موسم گرم،خشک چندمقامات پرگرج چمک اورہلکی بارش کاامکان ہے،وفاقی دارالحکومت اسلام آباداورگردونواح میں موسم گرم اورخشک رہنےکی توقع ہے، خیبرپختونخواکےبیشتراضلاع میں موسم خشک اورگرم رہنےکاامکان ہے۔
موسم کاحال بتانےوالوں کاکہناہےکہ پنجاب کےبیشتراضلاع میں موسم گرم اورخشک رہنےکاامکان ہے، سندھ کےبیشتراضلاع میں موسم شدیدگرم اورخشک رہنےکی توقع ہے،اُدھربلوچستان کےبیشتراضلاع میں موسم گرم اورخشک رہنے کے علاوہ تیزہوائیں چلنےکاامکان ہے،کشمیراورگلگت بلتستان میں مطلع جزوی ابرآلودرہنےکےعلاوہ ہلکی بارش متوقع ہے۔